बेनीपट्टी (मधुबनी): ४१ औं मिथिला विभूति स्मृति पर्व समारोहक आयोजन बेनीपट्टी, बिहारमे भव्य रूपसँ सम्पन्न भेल। एहि अवसर पर एस.आर. मैथिली मिडियाक संचालनमे कार्यरत “रमौलवाली मैथिली कोमेडी टीम”क कलाकारसभ केँ मिथिला विभूति स्मृति पर्व समारोहक आयोजक मंडली द्वारा पाग आ चादर ओढ़ा क’ सम्मानित कएल गेल अछि ।
एहि सम्मानक माध्यमसँ आयोजक मंडली कलाकारसभक योगदान आ मैथिली भाषा(संस्कृतिक प्रचार-प्रसारमे ओनकर भूमिकाक सराहना केलक। समारोहमे उपस्थित सभ सदस्य आ दर्शकसभ कलाकारसभक प्रदर्शनक प्रशंसा कएलन्हि आ ओनकर आगामी रचनात्मक कार्य लेल शुभकामना देलन्हि।
मिथिला विभूति स्मृति पर्व सदिखन मिथिलाक गौरवशाली परंपरा, भाषा आ संस्कृति केँ समर्पित रहल अछि आ एहि वर्षो ओहि परंपराक गौरवपूर्ण निरंतरता देखबाक अवसर भेटल।
प्रतिक्रिया दिनुहोस् !
