काठमाडौँ, ०१ साउन । मिटरब्याज पीडित पक्ष र सरकारी वार्ता टोलीबीच आज सम्झौता हुने भएको छ । बाराको सिमरामा सरकारी टोली र पीडित प्रतिनिधिबीच भएको मौखिक सहमतिलाई लिखित सम्झौताको रूप दिँदै औपचारिकता प्रदान गर्ने तयारी भएको हो ।
शुक्रबार सरकारी वार्ता टोली र मिटरब्याजी पीडित पक्षका प्रतिनिधिहरूबीच प्रधानमन्त्री तथा मन्त्रिपरिषद्को कार्यालयमा निर्णायक वार्ता सुरु भएको छ । यसअघि हिजो पनि दुबै पक्षबीच गहन छलफल भएको थियो । वार्ता टोलीमा प्रधानमन्त्री तथा मन्त्रिपरिषद् कार्यालयका सचिव पुष्कर सापकोटा, गृह मन्त्रालयका सहसचिव कालीप्रसाद पराजुली र भूमि व्यवस्था विभागका महानिर्देशक योगेन्द्रप्रसाद दुलाल छन् ।
त्यस्तै, पीडित पक्षको तर्फबाट वार्ता टोलीको संयोजन नवलपरासी (सुस्ता पूर्व) का अवधेश कुसवाहाले गरिरहेका छन् । टोलीका सदस्यहरूमा सिराहाका मनोज पासवान, गोरखाका रिजन रानामगर, भोजपुरकी लक्ष्मी घिमिरे, बर्दघाट पश्चिमका किरण परियार र कैलालीका निर्गराज जैसी छन् ।
प्रतिक्रिया दिनुहोस् !
सम्बन्धित खवर
