जनकपुरधाम, २२ असोज । धनुषाको जनकपुरधाम उपमहानगरपालिका–५ रहिमपथमा चक्कु प्रहारबाट एक युवकको मृत्यु भएको छ भने अर्का एक जना गम्भीर घाइते भएका छन् ।
आज साँझ जनकपुरधाम–५ सोनारपट्टी दाहा चोक बस्ने करिब २४ वर्षीय आमिन साफी र २५ वर्षीय ईम्तियाज राइनलाई सोही स्थानका करिब २२ वर्षीय मोहम्मद ईर्साद खानले पुरानो रिसइवीका कारण छाती तथा पेटमा धारिलो हतियार प्रहार गरेका हुन् ।
घटनाको जानकारी प्राप्त भएपछि प्रहरी टोली घटनास्थलमा पुगेर दुवै घाइतेलाई उपचारका लागि प्रादेशिक अस्पताल पठाएको थियो। अस्पतालमा साँझ ७:१५ बजे चिकित्सकले जाँच गर्दा आमिन साफीको मृत्यु भइसकेको पुष्टि भएको प्रहरीले जनाएको छ। उनको शव अस्पतालको शवगृहमा राखिएको छ।
चक्कु प्रहारबाट गम्भीर घाइते भएका ईम्तियाज राइनको उपचार भइरहेको प्रहरीले जनाएको छ।
घटनामा धारिलो हतियार प्रहार गरेको आरोपमा ‘गुण्डा’ भन्ने मोहम्मद ईर्साद खानलाई प्रहरीले नियन्त्रणमा लिएको छ। घटनाबारे थप अनुसन्धान भइरहेको जिल्ला प्रहरी कार्यालयले जनाएको छ।
प्रतिक्रिया दिनुहोस् !
सम्बन्धित खवर
